ምዕመኑ የመስቀል በዓልን ሲያከበር የመስቀል መገለጫ በሆነው በፍቅርና መተሳሰብ እንዲሆን የኢትዮጵያ ኦርቶዶክስ ተዋህዶ ቤተ ክርስቲያን አሳሰበች

Google+ Pinterest LinkedIn Tumblr +

ምዕመኑ የመስቀል በዓልን ሲያከበር የመስቀል መገለጫ በሆነው በፍቅርና በመተሳሰብ እንዲሆን የኢትዮጵያ ኦርቶዶክስ ተዋህዶ ቤተ ክርስቲያን አሳሰበች።

የኢትዮጵያ ኦርቶዶክስ ተዋህዶ ቤትክርስትያን ጠቅላይ ፅህፈት ቤት ዋና ስራ አስኪያጅ ብፁዕ አቡነ ዲዮስቆሮስ የመስቀል በዓልን አስመልክቶ ዛሬ በሰጡት መግላጫ ምዕመናን የመስቀል በዓልን ሲያከብሩ የመስቀል መገለጫ በሆነው በፍቅርና መተሳሰብ ኢትዮጵያዊ እሴቶችን በማጠናከር ሊሆን እንደሚገባ አሳስበዋል።

በዓሉ ሲከበርም ከመስቀሉ ጋር የማይገናኙና ባዕድ ከሆኑ ድርጊቶች ተቆጥቦ መሆን እንዳለበት ነው ዋና ስራ አስኪያጁ ያስገነዘቡት።

መስቅልን መስብክ ክርስቶስን መስበክ ነው ያሉት ዋና ስራ አስኪያጁ የመስቀል በዓልን ስናከብር እርስ በእርስ በፍቅር እና በመረዳዳት ከሌሎች ጋርም በመከባበር መሆን ይገባዋል ብለዋል።

በዓሉ ሲከበር በመስቀሉ የተገለጸውን ድንቅ የእግዚአብሄር ፍቅር በተግባር ለመኖር እየሞከርን ለሌሎችም ይህ ፍቅር እንዲደርሳቸው የምንችለውን ሁሉ እያደርግን ሊሆን ይገባል ነው ያሉት።

በሀገር ውስጥም ሆን በውጭ በመላው አለም ለሚገኙ የቤተ ክርስትያኒቱ ልጆች በዓሉ በሰላም እንዲከበር እንደተለመደው በሰላምና በፍቅር እንዲተሳሰቡ መልዕክት አስተላልፍዋል።

በቅርብ ጊዜ በጅግጅጋና በቡራዩ በአዲስ አበባ አካባቢ የሞቱ ወገኖቻችን ነፍሳቸውን እንዲምር ቤተ ክርስትያን እንደምትጸልይ የተናገሩት ብፁዕ አቡነ ዲዮስቆሮስ ቤተክርስቲያኗ ድርጊቱን በፅኑ እንደምታወግዝም ተናግረዋል።

ከአሁን በኋላም መሰል ችግሮች በየትኛውም የሀገሪቱ አካባቢ እንዳይከሰቱ መንግስት የሚቻለውን ሁሉ ቅድመ ጥንቃቄ እንዲያደርግ ቤተ ክርስትያንችን አጥብቃ ታሳስባለች ብለዋል።

መስክረም 16 የደመራ በዓል እና መስክረም 17 የመስቅል በዓል በኢትዮጵያ በየዓመቱ በደማቅ ስነ ስርዓት በተለያዩ አካባቢዎች እንደ የባህላቸው ሃይማኖታዊ ይዘታቸውን ሳይለቁ እንደሚከበሩ በመግለጫው ተመላክቷል።

በስላባት ማናዬ

 

Share.

About Author

Leave A Reply