ቅዱስ ጊዮርጊስ የፕሪሚየር ሊጉን መሪነት ተቆጣጠረ

Google+ Pinterest LinkedIn Tumblr +

የኢትዮጵያ ፕሪምየር ሊግ 26ኛ ሳምንት ጨዋታዎች ዛሬ በተለያዩ ከተሞች ተካሂደዋል።

ረፋድ 4፡00 ሰዓት ላይ በአዲስ አበባ ስታዲየም መቐለ ከተማ እና ፋሲል ከነማ ተጫውተው ያለምንም ጎል በአቻ ውጤት አጠናቀዋል።

9፡00 ሰዓት ላይ በተካሄዱ ጨዋታዎች ኢትዮ ኤሌክትሪክ ሀዋሳ ከተማን 2 ለ 0 አሸንፏል።

አዲግራት ላይ ወልዋሎ አዲግራት ዩኒቨርሲቱ ደደቢትን 1 ለ 0 ማሸነፍ ችሏል።

ሲዳማ ቡናን ከድሬዳዋ ከተማ ያገናኘው ጨዋታ ደግሞ በሲዳማ 1 ለ 0 አሸናፊነት ተጠናቋል።

አርባ ምንጭ ላይ አርባ ምንጭ ከተማ ከወላይታ ድቻ ተጫውተው፥ 0 ለ 0 በሆነ ውጤት ተለያይተዋል።

ማምሻውን በአዲስ አበባ ስታዲየም በተደረገ ጨዋታ ደግሞ ቅዱስ ጊዮርጊስ ከወልዲያ ከተማ ተገናኝተዋል።

ጨዋታውን ፈረሰኞቹ 3 ለ 1 በማሸነፍ የፕሪሚየር ሊጉን መሪነት ተረክበዋል።

የ26ኛ ሳምንት ሁለት ጨዋታዎች ነገ በአዲስ አበባ ስታዲየም የሚደረጉ ሲሆን፥ መከላከያ ከጅማ አባ ጅፋር 10፡00 ሰዓት ላይ እንዲሁም ኢትዮጵያ ቡና እና ከአዳማ ከተማ 12፡00 ሰዓት ላይ የሚገናኙ ይሆናል።

ፕሪምየር ሊጉን ቅዱስ ጊዮርጊስ በ45 ነጥብ ሲመራ መቐለ ከተማ በ43 ነጥብ ይከተላል።

አዳማ ከተማና ጅማ አባ ጅፋር ደግሞ በ42 ነጥቦች ተከታዮቹን ደረጃዎች ይዘዋል።

Share.

About Author

Leave A Reply