fbpx

በምጥ የተያዘችውን ሴት የገደሉት ለፍርድ አልቀረቡም

Google+ Pinterest LinkedIn Tumblr +

ሐምሌ 15 ቀን 2010 ዓ.ም ‘በምጥ ለተያዘች ነፍስ ጥይት?!’ በሚል ርዕስ በዚሁ ማሕበራዊ ገጽ ያጋራሁዋችሁ መረጃ ነበር።

ጉዳዩ በአጭሩ በተጠቀሰው ዕለት ምጥ የጠናባት ወ/ሮ ብርሃኔ ማሞ ከሜጢ ከተማ ወደደምቢ ዶሎ ሆስፒታል ሪፈር ተብላ ደምቢዶሎ ከተማ ከምሽቱ 5:30 ላይ ስትደርስ በክልሉ ፖሊስ ልዩ ሃይል በጥይት ተገድላለች። አብረዋት የነበሩ የቤተሰቦቿ አባላት የተለያየ ጉዳት ደርሶባቸዋል። ከዚህ ግፍ ጋር በተያያዘ በቀጣዩ ቀን ከፍተኛ የሕዝብ ተቃውሞ በከተማዋ ተቀስቅሶ የነበረ ሲሆን በግድያው ተሳትፈዋል የተባሉ ሶስት የፖሊስ አባላት:-

ማለትም 1ኛ ኮንስታብል አብርሃም ስዩም፣ 2ኛ ኮንስታብል በቀለ በዳዳ(Badhaadhaa)፣ 3ኛ ኮንስታብል መልካሙ ነጋሳ በቁጥጥር ስር ውለው ምርመራ እንደተጀመረ ጠቁሜ ነበር። እውነታው ግን ከዚያ የተለየና አስደንጋጭ የማናለብኝ የፍትሕ ጥሰት እየተፈፀመ መሆኑን ዛሬ ያነበብኩት የረዥም እስር አጋሬና ጓደኛዬ የ Lammii Beenyaa መረጃ አረጋግጦልኛል። ተጠርጣሪዎቹ እስከዛሬ ለፍርድ አልቀረቡም! ያሳዝናል፤ ልብ ይሰብራል!

በደምቢዶሎ ከሚገኙ ጓደኞቼ ደውዬ እንዳረጋገጥኩትም ሁኔታው ሆን ተብሎ ሕዝቡን ወደቁጣ ለመምራት በሚመስል መንገድ የፍትሕ መበየንን ወደጎን በማድረግ ጉዳዩን ለተጎጂ ቤተሰቦች ካሳ በመስጠት ለመሸፋፈን እየተሞከረ ነው ብለውኛል። በቁጥጥር ስር ዋሉ የተባሉት ተጠርጣሪዎች ያሉበት ወታደራዊ ካምፕም በቀላሉ ለማምለጥ አመቺ መሆኑ ሕዝቡን ቁጭት ውስጥ እንደከተተው ነግረውኛል።

በምጥ ስትቃትት በጥይት ናዳ ያለፈችው የወ/ሮ ብርሃኔ ደምና ይህችን ምድር እንዳይቀላቀል በግፍ የተቀጨው ህፃን ነፍስ ይጮሃሉ። ይህን ግፍ አቅልሎ ማለፍ የህሊናም፣ የመንፈስም፣ የነፍስም፣ በአጠቃላይም የሰው መሆን ዕዳችን ነው። ደጋግመን እንላለን፤ ፍትሕ በአስቸኳይ! ወንጀለኞች ለፍርድ ይቅረቡ!

(ውብሸት ታዬ)

Share.

About Author

Leave A Reply

ፈጣን ዜናዎችን በቴሌግራም ቻናላችን ያግኙ

Kaliti Press - The Fastest

JOIN OUR TELEGRAM CHANNEL CLOSE