fbpx

በሰኔ 16 የቦምብ ፍንዳታ በተከሰሱ ግለሰቦች ላይ ዐቃቤ ህግ የክስ መቃወሚያ መልስ ለማቅረብ የጊዜ ቀጠሮ ተፈቀደ

Google+ Pinterest LinkedIn Tumblr +

ሰኔ 16 ቀን 2010 ዓ.ም ለኢፌዴሪ ጠቅላይ ሚኒስትር ዶክተር አብይ አህመድ ድጋፍ ለመስጠት በአዲስ አበባ መስቀል አደባባይ በተዘጋጀ ሰልፍ ላይ ቦምብ በማፈንዳት የተጠረጠሩት ግለሰቦች በፌዴራል ከፍተኛ ፍርድ ቤት ልደታ ምድብ 4ኛ ወንጀል ችሎት ቀርበዋል፡፡

ፍርድ ቤት ቀረቡት አንደኛ ተከሳሽ ጌቱ ግርማ ፣ሁለተኛ ብርሀኑ ጃፋር፣ ሶስተኛ ጥላሁን ጌታቸው ፣ አራተኛ ብህሩ ቶላ እና አምስተኛ ደሳለኝ ተስፋየ ናቸው፡፡

ከአንደኛ እሰከ አራተኛ ያሉት ተከሳሾች በፀረ ሽበር አዋጅ 652/2001 አንቀጽ 3/1 ስር የተመለከተውን ድንጋጌ በመተላለፍ የፌዴራል ጠቅላይ ዐቃቤ ሕግ የሰውና የሰነድ ማስረጃዎችን በማደራጀት ክስ የመሰረተባቸው መሆኑ የታወሳል፡፡

ሆኖም ግን ጥቅምት 14 2011 ዓ.ም በነበረ ቀጠሮ ክሱ ላይ ወንጀል የተፈፀመበት ጊዜና ቦታ ግልፅ አለመሆኑ፣ ወንጅሉን አለመፈፀማቸውን እና መንግስት ያመጣውን ለውጥ ተቀባይ እንጅ ተቃዋሚ አለመሆናቸውን በመቃውሚያ ሀሳብ ለችሎቱ አስረድተዋል፡፡

የፌዴራል ጠቅላይ ዐቃቤ ሕግ ተከሳሾች ላቀረቡት የክስ መቃወሚያ ሀሳብ መልስ ለመስጠት ዛሬ ችሎት የተገኘ ቢሆንም ፍርድ ቤቱ ለህዳር 7 ቀን 2011 ዓ.ም ተለዋጭ ቀጠሮ መሰጠቱን የፌዴራል ጠቅላይ አቃቢ ህግ አስታውቋል፡፡

Share.

About Author

Leave A Reply