fbpx

በሰንቀሌ የፖሊስ ማሰልጠኛ ተቋም በምግብ መመረዝ ምክንያት 2000 ሰልጣኞች መጠቃታቸው ተሰማ

Google+ Pinterest LinkedIn Tumblr +

በሰንቀሌ የፖሊስ ማሰልጠኛ ተቋም በምግብ መመረዝ ምክንያት ሳይሆን አልቀረም በተባለ የጤና እክል ምክንያት ሆስፒታል ገብተው የነበሩ 2000 ሰልጣኞች ህክምና አግኝተው ሁሉም ከሆስፒታል መውጣታቸው ተሰማ፡፡ ከአምቦ አቅራቢያ በሚገኘው የሰንቀሌ ፖሊስ ማሰልጠኛ ሰልጣኞች ከትናንት በስቲያ እራት ከተመገቡ በኋላ የጤና እክል አጋጥሟቸው አምቦ ወደሚገኙ የተለያዩ 3 ሆስፒታሎች መወሰዳቻውን ሰምተናል፡፡ የምዕራብ ሸዋ የመንግስት ኮሚዩኒኬሽን ጽህፈት ቤት ሀላፊ ዶ/ር መንግስቱ ዱሉ ለሸገር እንደተናገሩት ሰልጠኞቹ በተለያዩ ምክንያት ከዚህ ቀደም ከመከላከያ ሰራዊት የተባረሩና በቅርቡ ስልጠና ወስደው ወደ ኦሮሚያ ፖሊስ ይቀላቀላሉ በሚል ወደ ሰንቀሌ የፖሊስ ማሰልጠኛ የገቡ አዲስ ሰልጣኞች ናቸው ብለዋል፡፡

ከትናንት በስትያ ከእራት በኋላ የደረሰባቸውን የጤና ችግር ተከትሎ ወደ ሆስፒታል ከገቡ 2000 ያህል ሰልጣኞች የተወሰኑት ወዲያውኑ ህክምና አግኝተው መውጣታቸው ተሰምቷል፡፡ አሳሳቢ ደረጃ ላይ ናቸው የተባሉ ጥቂት ሰልጣኞችም በአምቦ ሆስፒታል ህክምና አግኝተው ትናንት 9 ሰዓት ሲሆን ሁሉም ከሆስፒታል መውጣታቸውንና ከመካከላቸው አንድም ሰው እንዳልሞተ ዶ/ር መንግስቱ ነግረውናል፡፡ ሰልጣኖቹ እራት ከበሉ በኋላ የታመሙበት ምክንያት ከምግብ ወይንም ከውሃው መመረዝ ሊሆን ይችላል የሚል ብርቱ ጥርጣሬ ፈጥሯል ተብሏል፡፡

በመሆኑም እንዲመገቡት ቀርቦላቸው ከነበረ ዳቦ፣ የታሸገ ውሃ፣ በርበሬና ወጥ ናሙና ተወስዶ ወደ አርማ ወር አንሰን የምርመራ ኢንስቲትዩት /ፓስተር/ መላኩን ዶ/ር መንግስቱ ተናግረዋል፡፡ የምርመራው ውጤትም እስከ ነገ ድረስ ይድርሳል ተብሎ ይጠበቃል ብለዋል፡፡ ለሰንቀሌ የፖሊስ ማሰልጠኛ ተቋም ዳቦ የሚያቀርቡት በጥቃቅንና አነስተኛ የተደራጁ ናቸው ያሉት ዶ/ር መንግስቱ ለመጠጥ የሚጠቀሙበት ውሃ ደግሞ የታሸገ ውሃ ነው ብለዋል፡፡ ወጥ ግን በማስልጠኛ ግቢው ውስጥ ተሰርቶ እንደሚቀርብላቸው ሰምተናል፡፡

ትዕግስት ዘሪሁን

Share.

About Author

Leave A Reply

ፈጣን ዜናዎችን በቴሌግራም ቻናላችን ያግኙ

Kaliti Press - The Fastest

JOIN OUR TELEGRAM CHANNEL CLOSE