fbpx

በበጀት አመቱ ከ4 ነጥብ 1 ቢሊየን ዶላር በላይ ያስመዘገቡ ኩባንያዎች ወደ ሃገር ውስጥ ገብተዋል

Google+ Pinterest LinkedIn Tumblr +

በ2010 ዓ.ም ከ4 ነጥብ 1 ቢሊየን ዶላር በላይ ያስመዘገቡ 156 ትልልቅ ኩባንያዎች በተለያዩ የኢንቨስትመንት ዘርፎች ለመሳተፍ ወደ ኢትዮጵያ መግባታቸውን የውጭ ጉዳይ ሚኒስቴር አስታወቀ።

የሚኒስቴሩ ቃል አቀባይ አቶ መለስ አለም ዛሬ በወቅታዊ ጉዳዮች ዙሪያ ለጋዜጠኞች በሰጡት መግለጫ፥ እየተጠናቀቀ ያለው አመት ከኢኮኖሚ ዲፕሎማሲ አኳያ የላቀ ውጤት የተመዘገበበት ነበር ብለዋል።

ቃል አቀባዩ በዋናው መስሪያ ቤት፣ በኤምባሲዎች እና በቆንስላ ፅህፈት ቤቶች በተሰሩ ስራዎች የውጭ ኩባንያዎች በኢትዮጵያ ያሉ የኢንቨስትመንት አማራጮችን በስፋት እንዲገነዘቡ የማድረግ ስራ መሰራቱን ተናግረዋል።

በዚህም ከ4 ነጥብ 1 ቢሊየን ዶላር በላይ ያስመዘገቡ ከ156 በላይ ትልልቅ ኩባንያዎች መዋዕለ ንዋያቸውን ለማፍሰስ ወደ ኢትዮጵያ መግባታቸውንም ነው የተናገሩት።

ቃል አቀባዩ አሁን ላይ ያለው የሰላም ሁኔታ እየተሻሻለ መምጣት፣ ሌሎች ሀገራት ከኢትዮጵያ ጋር ለመስራት ያላቸው ፍላጎት መጠናከር እና ዳያስፖራዎች በሀገራቸው ጉዳይ የተሻለ ተሳትፎ ለማድረግ በመወሰናቸው በቀጣዩ ዓመት የተሻለ ስኬት እንዲመዘገብ ከወዲሁ ስራ ተጀምሯልም ነው ያሉት።

ቃል አቀባዩ በቅርቡ በሚካሄደው የአፍሪካ ቻይና ፎረም ላይ ኢትዮጵያ በከፍተኛ አመራሮች አማካኝነት እንደምትሳተፍም አንስተዋል።

በቀጣዩ የአፍሪካ ቻይና ፎረምም በተለይም የቤጂንግ ስምምነት እና የድርጊት መርሃ ግብር ይፋ ይሆናል ተብሎ እንደሚጠበቅ አብራርተዋል።

በፎረሙ የአፍሪካን ግብርና ማሳደግ፣ የስልጠና  እድሎችና የአፍሪካ ሃገራትን በመሰረተ ልማት ማስተሳሰር በሚያስችሉ ጉዳዮች ላይ ውይይት ይደረግባቸዋል ብለዋል ቃል አቀባዩ።

የአፍሪካ ቻይና ፎረም በእኩልነት ላይ ለተመሰረት የዲፕሎማሲ ግንኙነት ወሳኝ ማሳያ መሆኑንም ጠቅሰዋል።

ኢትዮጵያ ባለፉት 110 አመታት የባለብዙ ወገን የዲፕሎማሲ መንገድን በአህጉር እና አለም አቀፍ ተቋማት ስታራምድ መቆየቷንም አስታውሰዋል። FBC

Share.

About Author

Leave A Reply

ፈጣን ዜናዎችን በቴሌግራም ቻናላችን ያግኙ

Kaliti Press - The Fastest

JOIN OUR TELEGRAM CHANNEL CLOSE