በቡራዩና አካባቢዋ ግጭት ተጠርጥረው በተያዙ ግለሰቦች የባንክ ሂሳብ ውስጥ 8 ሚሊየን ብር ተገኝቷል-ዶ/ር ነገሪ

Google+ Pinterest LinkedIn Tumblr +

በዛሬው እለት ቡራዩ እና በአዲስ አበባ ዙሪያ የሚገኙ አከባቢዎች ወደ ሰላምራ መረጋጋታቸው ተመልሰዋል።

የኦሮሚያ ክልል ኮሙዪኒኬሽን ቢሮ ሀላፊ ዶክተር ነገሪ ሌንጮ በሰጡት መግለጫ፥ ችግሩን በመፍጠር ህዝብን ለአደጋ በማጋለጥ የፖለቲካ አላማቸውን ከግብ ለማድረስ ከፍተኛ ገንዘብ በመመደብ ከአዲስ አበባ ጀምሮ የተንቀሳቀሱ ካላት መኖራቸውን አስታውቀዋል።

የዚህ ጥፋት ሀይል አካል የሆነ 99 አባላት ካለው ቡድን ውስጥ ስድስት ሰዎች የጦር መሳሪያ ማለትም፥ 3 ክላሽ እና 8 ሽጉጥ ሁለት መኪና፣ የባንክ እንዲሁም ደብተር እና የቡራዩ ከተማ መሬት አስተዳደር ሀሰተኛ ማህተም ይዘው በቁጥጥር ስር መዋላቸውን ነው ያስታወቁት።

የሀሰት ገንዘብን ጨምሮ መጠኑ ከፍ ያለ ገንዘብ መያዙን እና በተጨማሪም በተያዙት ሰዎች የባንክ ሂሳብ ውስጥ 8 ሚሊየን ብር ተገኝቷል ብለዋል።

በዛሬው ዕለትም የቀሩትን ተጠርጣሪዎች በቁጥጥር ስር ለማዋል ፖሊስ እየተከታተለ እንደሚገኝ ጠቁመዋል።

የቡራዩ ከተማ አስተዳደር ከህብረተሰቡ ጋር በመወያየት እስካሁን ከ300 በላይ የተፈናቀሉ ዜጎችን ወደ ቀያቸው አንዲመለሱ ማድረጉን አስታውቀዋል።

የቀሩትንም ለመመለስ አስፈላጊው ድጋፍ የፌደራል መንግስትና የአዲስ አበባ ከተማ አስተዳደርን ጨምሮ የክልሉ መንግስት በጋራ እየሰሩ ይገኛሉም ብለዋል።

በግድያና ዝርፊያ ተጠርጥረው በቁጥጥር ስር ከዋሉት 200 ሰዎች መካከል በ23 ሰዎች ላይ መረጃ ተመርምሮ እየተጠናቀቀ በመሆኑ ፍርድ ቤት እንደሚቀርቡ ዶክተር ነገሪ ተናግረዋል።

ንብረታቸው የተዘረፈ ሰዎች ንብረታቸው ከዘራፊዎች ተሰብስቦ ተመልሷል ያሉት ሀላፊው፥ የክልሉ መንግሰት አስፈላጊውን ድጋፍ አድርጎ የተዘረፈውን ንብረት በቦታው ለመመለስ እየሰራ ይገኛል ብለዋል።

Share.

About Author

Leave A Reply