fbpx

ቪዲዮውን ማየት ላልቻላችሁ – የሶማሌ ክልል ፕሬዚዳንት ህወሀትን እና የቀድሞውን የደህንነት ሀላፊ የወነጀለበት ንግግር በጽሁፍ

Google+ Pinterest LinkedIn Tumblr +

~የኢትዮጵያ ሕዝብ እንዲያውቅልኝ የምፈልገው ተሳስተሃል ብየ ከተናገርኩ በኋላ ተወርሬያለሁ፣ ወረራ። ክልሉን በማከፋፈል ወረራ።

~የክልሉን አስተዳደር ራሱ አዲስ አበባ እየሾመ ካቢኔውን በሙሉ አዲስ አበባ ቁጭ አድርጎ፣ ከለላ ሰጥቶ ሕገ ወጥ ሰዎችን አዲስ አበባ ሰብስቦ ሰው የገደለ እንዲያዝ ቢጠየቅም አይሰጥም። የዘረፈ ሁሉም እሱ ጋር ነው የነበረው።

~አሁንም አዲስ አበባ ሀይል አደራጅቶ ቁጭ ያለው ሌላ ትርጉም እየሰጠ ነው። ለማንም ሰው የምነግረው ሕገወጥ ቡድን እያደራጀ ያለው ጌታቸው አሰፋ ነው እንጅ ሌላ ሰው አላደረገም። ይህን እንድታውቁልኝ እፈልጋለሁ።

ተንኮንል ሲታሰብበት የነበረ ቢሮ ነው ብየ ነው የማምነው። ግን ቢሮው በሙሉ አይደለም። “ሄዱ” ብቻ ነው። ሄዱ ተንኮል ብቻ። መወንጀል ብቻ፣ ሰው መወንጀል ብቻ ሲሰራ እንደነበር ነው የማውቀው ማለት ነው። በእኛ ላይ ምን ስርቶ ነበር? በሌላው ላይ ልተወው። በእኛ ክልል ብቻ ማንም አመራር፣ ማንም ኢህአዴግ የሚያውቀው ጣልቃ ገብቶ የክልሉን አስተዳደር ራሱ አዲስ አበባ እየሾመ ካቢኔውን በሙሉ አዲስ አበባ ቁጭ አድርጎ፣ ከለላ ሰጥቶ ሕገ ወጥ ሰዎችን አዲስ አበባ ሰብስቦ ሰው የገደለ እንዲያዝ ቢጠየቅም አይሰጥም። የዘረፈ ሁሉም እሱ ጋር ነው የነበረው። ሁሉም እሱ ጋር ነው የነበረው ማለት ነው። ሁሉም። በሙስና የተባረረ በሙሉ ጌታቸው አሰፋ ጋር ነው የሚሄደው። የሰረቀ በሙሉ ከእሱ ጋር ነው የሚሄደው። አዲስ አበባ የክልሉን ሕጋዊ ኢሶዴፓ አመራሮች የኢህአዴግ አመራሮች ባይገቡ ኑሮ፣ ሕገወጥ ሲገባ፣ አመራሮቹ (ስም መጥቀስ አልፈልግም) “ኖ” ባይሉ ኖሮ የኢሶዴፓ ስብሰባ አዲስ አበባ እንዲካሄድ እከሌ ርዕሰ መስተዳደር እንዲደረግ ራሱ ሾሞ፣ ካቢኔ ረ እሱ ጋር ሆኖ ነው እሱ የተባረረው።
ስለዚህ እኔ ለኢህአዴግ አመራር ያልገለፅኩት ሰው የለም። አብዲ አሁን ነው የተናገረው የሚል ሰው የለም። አብዲ አሁን ነው ከተባረረ በኋላ የተናገረው ካለ ማንም የኢህአዴግ ከፍተኛ እና የማዕከላዊ ኮሚቴ አባላት በሙሉ አመራር ያውቀዋል። ያኔም ስህተቱን ከፊቱ ነው የነገርኩት። ጣልቃ እየገባብን መሆኑን ደግሞ እባካችሁ ብየ ያልጮሁኩበት ሰው የለም። ከጠቅላይ ሚኒስትሩ ጀምሮ ባካችሁ ይህ ሰውዬ ጣልቃ እየገባብን ነው ከልክሉልን በቃ፣ ጣልቃ እየገባ እየከፋፈለን ነው ብየ ያልጠየኩት አመራር እከሌ ይበለኝ በቃ። ለሁሉም አቤት ብያለሁ። ራሱ ብቻ ነው ትክክል በቃ። የኢትዮጵያ ሕዝብ እንዲያውቅልኝ የምፈልገው ተሳስተሃል ብየ ከተናገርኩ በኋላ ተወርሬያለሁ፣ ወረራ። ክልሉን በማከፋፈል ወረራ።

ለምሳሌ እዚህ ላይ መጠቀስ ይችላል። ሕዳር 26/2006 ላይ ጠቅላይ ሚኒስትሩ ሶማሊ ክልል እንዳይመጣ ያለ ሰው ነው። እና ምን ለማለት ነው እኛ ላይ ሲደርሱ የነበሩ ችግሮች አንዱ በግለሰብ ደረጃ ነው። የኢህአዴግ አመራር ሁሉ ገርሞት ይህ ነገር ስህተት ነው እያሉት ስህተት የማይቀበል ሰው መሆኑ ነው። እኔ እንደ ግል ነው የምናገረው። እና የእሱን አስተሳሰብ የሚቀበል ሰው ካለም ስህተቶች አሉ ብየ ነው የማምነው ማለት ነው። አደጋ ነው ብየ ነው የማንነው። ለዚህ ለውጥ ደግሞ እንቅፋት ይሆናል ብየ ነው የማምነው።

እንደ ግለሰብ መንግስት መስርቶ በሶማሊ ክልል ጣልቃ ገብቶ ፕሬዝደንት አንተ ነህ፣ ምክትል ፕሬዝደንት አንተ ነህ ራሱ አዲስ አበባ እየሾመ በመኪና ወደ ሶማሊ ክልል ስልጣን እንዲረከቡ ሲያደርግ የነበረ ሰው መሆኑን ማንም ሰው ያውቃል። ማንም! ግን ይህ ስህተት ስህተት ነው ሲሉ የነበሩ የኢህአዴግ አመራሮች አሉ።አሰራር አይደለም ሲሉ የነበሩ፣ በአራቱም ድርጅቶች ያሉ ይህን ሲቃወሙ የነበሩ የኢህአዴግ አመራሮች አሉ። በሌላ በኩል ደግሞ ይፈራል፣ እኔ እውነቱን የምናገረው ይፈራል። በጣም ይፈራል። በጣም። ከእሱ የበለጠ መጥፎ ግን የለም ነው።

እኛ ሰው ነን። እንሳሰሰታለን። ስህተታችን እናምናለን። ተጠሪነታችን ደግሞ ለሕዝባችን ነው። ለአላሃችን ነው ብለን እናምናለን። የሰራነውን ስህተትን ተምረን፣ ይቅርታ፣ ለማስተካከል ዝግጁ ነን ማለት ነው። ነገር ግን ተጠሪነቱ ለአላህ ያልሆነ፣ ተጠሪነቱ ለሕዝብ ያልሆነ፣ ተጠሪነቱ ለድርጅት ያልሆኑ ግለሰቦች አሉ ኢህአዴግ ውስጥ።አንደኛ ጌታቸው አሰፋ ነው። ይህን ነው የምለው እኔ።

የደረሰብኝን ስለማውቀውን ነው። በኢህአዴግ ውስጥ አራቱም ብሄራዊ ድርጅቶች እባካችሁ ይህ ሰው ጣልቃ እየገባ ነው ያላልኩት ሰው የለም። እንደ ክልልም ያልጮህነው የለም። ብዙ ሰው ነግሬያለሁ። አሁንም አዲስ አበባ ሀይል አደራጅቶ ቁጭ ያለው ሌላ ትርጉም እየሰጠ ነው። ለማንም ሰው የምነግረው ሕገወጥ ቡድን እያደራጀ ያለው ጌታቸው አሰፋ ነው እንጅ ሌላ ሰው አላደረገም። ይህን እንድታውቁልኝ እፈልጋለሁ። ሌላ ሰው አላደራጀም ራሱ ነው። የኢህአዴግ ማዕከላዊ ኮሚቴ የሶማሊ ሕዝብ ምስክር ነው። ያውቃል። ሌሎቹ ላያውቁ ይችላሉ።

ከራባት አድርጎ እኔ ጋር መጣ። ከአዲስ አበባ ፕሬዝደንት ተደርጌ ተሹሜያለሁ ብሎ ማለት ነው። ራሱ ጌታቸው ነው ያደረገው። ይህ የነበረ ነገር ነው። ይቅር የምንባባል ከሆነ ይህንም ይቅር እንባባል። ሁሉም ነገር ይቅር እንባባል። ይውጣ። በቃ፣ ይቅር እንባባል። አምናለሁ። ሰው ነው ሰው ይሳሳታል። በቃ! አንሳሳትም የሚል ከሆነ ሰይጣን ነው ማለት ነው። ሰይጣን ነው የማይሳሳተው። ስህተቱን የማይቀበለው ሰይጣን ነው።

እኔ የለውጡን ጉዞ አምናለሁ። እንዲያውም ሀገሪቱ በመፍረስ ላይ እያለች፣ ጫፍ ጫፍ ላይ እያለች ነው የተመለሰችው። ይህ ማለት ግልፅ ነው የምናገረው።

(በጌታቸው ሽፈራው – የተተየበ)

Share.

About Author

Leave A Reply