fbpx

አስቸኳይ አዋጁ የሚጸድቅ ከሆነ ኦሮሚያን ልንገነጥል እንችላለን ሲሉ ቄሮዎች አስጠነቀቁ

Google+ Pinterest LinkedIn Tumblr +

ለስድስት ወራት የተጣለውን የአስቸኳይ ጊዜ አዋጅ እንዲያጸድቅ የህዝብ ተወካዮች ምክር ቤት በነገው እለት ለስብሰባ ተጠርቷል። ይህን አስመልክቶም ቄሮ የተባለው ቡድን ውሳኔውን እንዳይቀበለው ለኦሮሚያ ምክር ቤት የተለያዩ ማሳሰቢያዎችን ሲሰጥ መሰንበቱ ይታወሳል።

ቡድኑ የኦሮሚያ ምክርቤት የአስቸኳይ ጊዜ አዋጁን እንዳልደገፈው መረጃ እንደደረሰው ገልጿል።

በመሆኑም የህዝብ ተወካዮች ምክር ቤት በነገው እለት በሚያካሂደው ስብሰባ ላይ የኦሮሚያ ክልል የህዝብ ተወካዮች አዋጁን ውድቅ የሚያደርጉ ከሆነና የሌሎች ክልሎች አባላት አዋጁን ደግፈው እንዲጸድቅ የሚያደርጉ ከሆነ ይህ አዋጅ በኦሮሚያ ክልል ላይ ምንም አይነት ተፈጻሚነት የማይኖረውና እንዲሁም ክልሉ በፌደራል ስርአቱ መሰረት የመገንጠል ጥያቄ ሊያቀርብ ይችላል በማለት ሌሎች ክልሎች በነገሩ ላይ እንዲያስቡበት በማለት “አትፈታተኑን” ሲል አስጠንቅቋል።

ሙሉ ቃሉ እነሆ…..

“…..በነገራችን ላይ የአስቸኳይ ጊዜ አዋጅን ጉዳይ በህዝብ ተወካዮች ምክር ቤት ውሳኔ ብቻ የምናልፈው አይሆንም፡፡ አያልፍም እንጂ በ2/3ኛ ድምፅ እንኳ ተደግፎ ቢያልፍ በዚህ ጉዳዩን ቋጫለሁ ብሎ የሚያስብ ካለ እሱ የነገሮች ክብደት አልገባውም ማለት ነው፡፡ ትናንትና በተደረጉ Lobby አይነት ስብሰባዎች ላይ በፓርላማ የኦሮሚያ ክልል ተወካዮች በሙሉ እንደተቃወሙ ሰምተናል፡፡ በወሳኙ ቀንም ይሄን ይደግማሉ!!! አዋጁ በሌሎች ክልሎች ተወካዮች ብደገፍና ኦሮሚያን የወከሉ ተወካዮች በሙሉ ከተቃወሙ የምንከተለው የፌዴራል ስርኣት እስከሆነ ድረስ የክልሉም ምክር ቤት ተሰብስቦ አዋጁን ከተቃወመ ኦሮሚያ ክልል ላይ የመተግበር እድሉ የተመናመነ ነው የሚሆነው፡፡ የክልሉ ምክር ቤት ይሄን አዋጅ ማስቀረት ይቅርና ኦሮሚያ ከኢትዮጵያ ትገንጠል ብሎ የመወሰንና ለህዝብ ውሳኔ የማቅረብ ህገመንግስታዊ ሙሉ መብት ሁላ አለው፡፡ ይሄን ሁላ አልፎ የግድ በክልሉ ካልተገበርኩ ከተባለ ሌላ ተጨማሪ ነገሮችንም በቀላሉ ማድረግያ መንገድ ኣለ፡፡ የክልሉ መንግስት መዋቅር በየቦታው የአስቸኳይ ጊዜ አዋጁን ለማስፈጸም ከሚመደቡት ጋር በቅርበት ካልሰራና ካልተባበራቸው አንደች ነገር መስራት አችሉም፡፡ QEERROOም ከዳር እስከዳር ነገሮችን በአንክሮ እየተከታተለ መሆኑን ስናስብ……….እናም አትፈታተኑን!!!””

ቃሊቲ ፕሬስ

Share.

About Author

Leave A Reply

ፈጣን ዜናዎችን በቴሌግራም ቻናላችን ያግኙ

Kaliti Press - The Fastest

JOIN OUR TELEGRAM CHANNEL CLOSE