አትሌት ጫላ አዱኛ በልምምድ ላይ እያለ ባጋጠመው የኤሌክትሪክ አደጋ ህይወቱ አለፈ

Google+ Pinterest LinkedIn Tumblr +

የማራቶን ሯጩ አትሌት ጫላ አዱኛ በልምምድ ላይ እያለ ባጋጠመው የኤሌክትሪክ አደጋ ከዚህ ዓለም በሞት ተለየ።

የኢትዮጵያ አትሌቲክስ ፌዴሬሽን እንዳስታወቀው፥ አትሌት ጫላ አዱኛ በትናንትናው እለት ልምምድ በማድረግ ላይ እያለ በድንገት በያዘው የኤሌክትሪክ ገመድ ምክንያት ህይወቱ ሊያልፍ ችሏል።

አትሌት ጫላ አዱኛ የኦሮሚያ ማረሚያ ክለብን በቅርቡ የተቀላቀለ ሲሆን፥ በተለያዩ በግል የተካሄዱ ውድድሮች ላይ በመሳተፍ ውጤቶችን አስመዝግቧል።

በቅርቡም ሞሮኮ ማራካሽ በተካሄደ የማራቶን ውድድር ላይ 2 ሰዓት ከ11 ደቂቃ ከ47 ሰከንድ መግባት የቻለ መሆኑን ፌዴሬሽኑ አስታውቋል።

እንዲሁም በጀርመን ሃኖቨር በተካሄደው የማራቶን ውድድር ላይም 2 ሰዓት ከ09 ደቂቃ ከ42 በመግባት የግሉን ምርጥ ሰዓት ማስመዝገብ ችሎ ነበር።

አትሌት ጫላ አዱኛ ኢትዮጵያን በማራቶን ውድድርን ለመወከል ተስፋ ተጥሎበት ነበር። ~ ፋና

Share.

About Author

Leave A Reply