ኮለኔል ደመቀ ዘውዱን ለመያዝ የተሞከረበት መኖሪያ ቤት ሙዚየም ሊሆን ነው

Google+ Pinterest LinkedIn Tumblr +

ኮለኔል ደመቀ ዘውዱን ለመያዝ የተሞከረበት መኖሪያ ቤት ሙዚየም ሊሆን ነው፡፡ መኖሪያ ቤቱን ለመግዛት የተቋቋመው ኮሚቴ ቀብድ መክፈሉ ተሰምቷል፡፡

ዛሬ በጎንደር ግዙፉ አዳራሽ የአማራ ህዝብ የነጻነት ችቦ የተለኮሰበት ሐምሌ አምስት በድምቀት እየተከበረ፤
*****
ኮለኔል ደመቀ ዘውድን ለመያዝ ሙከራ የተደረገበት መኖሪያ ቤት በሙዚየምነት እንዲቀመጥና ህዝብ ለነጻነት የከፈለውን ዋጋ ትውልድ እንዲረዳው ለማድረግ በንግስት ይርጋና በአታላይ ዛፌ አማካኝነት የተጀመረው እንቅስቃሴ ውጤታማ ሆኗል፡፡ በዚህ መሰረትም መኖሪያ ቤቱን ለመግዛት ቀብድ መከፈሉን ምንጮቻችን ገልጸዋል፡፡

350 ሺ ብር ቀብድ የተከፈለበት ቤት ባለቤት ለዓላማው የድርሻቸውን ለማበርከት የመሸጫ ዋጋውን ሚዛናዊ እንዳደረጉት እና የቤቱ አጠቃላይ ዋጋ 1.8 ሚሊዮን ብር እንደተገመተ ተገልጾአል፡፡

ከተለያዩ አካላት በተገኘው ድጋፍ መኖሪያ ቤቱን ለሙዚየምነት ለማስቀረት እየተሰራ ያለው ስራ ነሐሴ 5 ቀን 2010 ዓ.ም. የቤቱ ዋጋ ሙሉ ለሙሉ ከተከፈለ በኋላ ወደ ሙዚየምነት እንደሚቀየር እና ለህዝብ ክፍት ሆኖ እንደሚጎበኝ ያገኘነው መረጃ ይጠቁማል፡፡

በተያያዘ ዜና ዛሬ ጎንደር በሚገኘው ግዙፍ አዳራሽ ሐምሌ 5 የአማራ ነጻነት ችቦ የተለኮሰበት ቀን በሚል በተለያዩ ዝግጅቶች እየተከበረ ነው፡፡ በዝግጅቱ ላይ የወልቃይት ማንነት ጥያቄ አስተባባሪ ኮሚቴ አባላት፤ በተለያየ ግዜ ታስረው የነበሩ እና ከእስር የተፈቱ የጎንደር ወጣቶች እና የከተማዋ ነዋሪዎች ታድመውበታል፡፡

Share.

About Author

Leave A Reply