የትግራይ ወጣቶችና ስፖርት ጉዳይ ቢሮ ከኤርትራ ጋር የወዳጅነት ስፖርታዊ ውድድር ለማድረግ ጠየቀ

Google+ Pinterest LinkedIn Tumblr +

የትግራይ ወጣቶችና ስፖርት ጉዳይ ቢሮ ከኤርትራ ጋር የወዳጅነት ስፖርታዊ ውድድር ለማድረግ ጥያቄ አቀረበ።

ቢሮው ዛሬ ለኤርትራ ባህልና ስፖርት ኮሚሽን በላከው ደብዳቤ እንዳስታወቀው፥ ከኤርትራ ህዝብ ጋር የወዳጅነት ስፖርታዊ ውድድር የማድረግ ፍላጎት እንዳለው ገልጿል።

ስፖርታዊ ውድድሩ በሁለቱ ሀገራት መካከል የተጀመረውን የሰላማዊ ግንኙነት የበለጠ ለማጠናከር ያለመ ነው ተብሏል።

የትግራይ ክልል ወጣቶችና ስፖርት ጉዳይ በደብዳቤው እንደገለጸው በኢትዮጵያና ኤርትራ ህዝብ መካከል የተለያዩ ስፖርታዊና ባህላዊ እንቅስቃሴ ለማከናውን ፍላጎት ያለው መሆኑን አሳይቷል።

ብስክሌት፣ የእግር ኳስ ውድድሮች፣ ሰርከስ፣ የሙዚቃ ፌስቲቫሎችንና የወጣቶች የእግር ጉዞ ቢሮው በዚሁ ፕሮግራም ለማከናዎን ያቀዳቸው ተግባራት መሆናቸው ገልጿል።

ስፖርታዊ ውድድሩ የኤርትራና የኢትዮጵያ ህዝብ ግንኙነት ቀድሞ ወደ ነበረበት ስላማዊ ግንኙነት ለመመለስ የሚያስችል መሆኑንም ቢሮው አመላክቷል።

ስፖርታዊ ግንኙነቱ በሁለቱ ሀገራት መካከል ያለውን የህዝብ ለህዘብ ግንኙነት የበለጠ ለማጠናከር እንደሚስችልም ነው ቢሮው ዛሬ በፃፈው መግለጫ ያመላከተው።

ከላይ የተጠቀሱትን ስፖርታዊና ባህላው እንቅስቃሴዎችን ከኤርትራ ህዝብ ጋር ለማካሄድ ፍላጎቱን የገለጸው የትገራይ ክልል ወጣቶችና ስፖርት ጉዳዮች ቢሮ ከኤርትራ ባህልና ስፖርት ኮሚሽን ለዚሁ ጥያቄው መላሽ መጠየቁንም ነው ደብዳቤየው የሚያመላክተው።

ፋና

Share.

About Author

1 Comment

Leave A Reply