Monday, September 24

የአሜሪካ ኤምባሲ ጋዜጠኛ ተመስገን ደሳለኝን ቪዛ ከለከለው ።

Google+ Pinterest LinkedIn Tumblr +

የአሜሪካ ኤምባሲ ጋዜጠኛ ተመስገን ደሳለኝን ቪዛ ከለከለው ። ካሁን ቀደም መንግስት እንዳያስርህ ሒድና አሜሪካ ተማር ብለው ሲያግባቡት የነበሩት ዲፕሎማቶች ባረባ ምክንያት ቪዛ ከልክለውታል ። የኤምባሲው ምንጮች እንደሚሉት ኤምባሲው የራሱን መረጃዎች አሰባስቦ ከወያኔ ባለስልጣናት ጋር በመነጋገር ቪዛውን ይሰጠዋል ያሉ ሲሆን ኤምባሲው ምን መረጃዎች እንደሚያሰባስብ ግልፅ አላደረጉትም ።

“እኔ ስታገል እንጅ ስነግድ አልኖርኩም” ጋዜጠኛ ተመስገን ደሳለኝ

ጋዜጠኛ ተመስገን ደሳለኝ ከመታሰሩ በፊት ወደ አሜሪካ ሀገር እንዲሄድ ብዙ ግፊት ደርሶበት ነበር። ለበርካታ ጊዜ ተለምኗል። ያኔ በተደጋጋሚ ወደ አሜሪካ እንዲሄድ “መንገድ ሲሰጠው” ልጅም ትዳርም አልነበረውም። ቪዛ ሊሰጠው የነበረውም የአሜሪካ ኤምባሲ ነው።

ተመስገን ከእስር ከተፈታ በኋላ ከጊዜ ወደ ጊዜ እየባሰበት የመጣውን የጀርባ ህመም ለመታከም፣ እንዲሁም በውጭ የሚገኙ ኢትዮጵያውያን ያዘጋጁለት ፕሮግራም ላይ ለመታደም የአሜሪካ ኤምባሲ ቪዛ እንዲሰጠው ጠይቆ ነበር።

ተመስገን ደሳለኝ ወደ ውጭ ለመሄድ ስለማይፈልግ ፓስፖርቱን እንኳ ያወጣው የሚያከብራቸው ኢትዮጵያውያን አማላጅ ተልከውበት ጭምር ነው። ሆኖም የአሜሪካ ኤምባሲ “ልጅና ትዳር የለህም” በሚል ሰበብ ቪዛ ከልክሎታል።

ተመስገን ወደ አሜሪካ እንዲሄድ በተደጋጋሚ ሲለመን መስፈርት ያልነበር “ልጅና ትዳር” አሁን ደርሶ መስፈርት እና ሰበብ መሆኑ አሳማኝ አይደለም። ያኔ ከእነ ቤተሰቡ ጭምር ወደ አሜሪካ እንዲሄድ ሲለመን ቪዛ ሊሰጠው የነበረው የአሜሪካ ኤምባሲ፣ ዛሬ ብቻውን ያውም ለደርሶ መልስ “ልጅና ትዳር የለህም” ማለቱ እንቆቅልሽ ነው!

መስፈርት ተብሎ ከቀረበው ልጅና ትዳር ባሻገር የአሜሪካ ኤምባሲ ለጋዜጠኛ ተመስገን ደሳለኝ “ምን ንብረት አለህ?” የሚል ጥያቄ አቅርቦ ነበር። ጋዜጠኛ ተመስገን ደሳለኝም “እኔ ስታገል እንጅ ስነግድ አልኖርኩም” የሚል መልስ መስጠቱ ታውቋል።”

 

Share.

About Author

Leave A Reply

ፈጣን ዜናዎችን በቴሌግራም ቻናላችን ያግኙ

Kaliti Press - The Fastest

JOIN OUR TELEGRAM CHANNEL CLOSE