fbpx

የኢትዮጵያ መከላከያ ሰራዊት የኦነግን ጦር ለማስፈታት ባደረገው ሙከራ በወለጋ ግጭት ተፈጥሯል

Google+ Pinterest LinkedIn Tumblr +

የኢትዮጵያ መከላክያ ሰራዊት 16 ከባድ ተሸከርካር ላይ በሙሉ ትጥቃቸዉ በመሳፈር የኦሮሞ ነፃ አዉጭ ግንባር /ኦነግ/ ስራዊት ተቆጣጥረዋል ወደ ተባሉበት ቦታዎች እየተጓዙ እንደሚገኙ በቀለም ወላጋ ዞን በግዳም ከተማ የአስተዳደርና ፀጥታ ጉዳዮች ሃላፊ አቶ ምትኩ ታከለ ለ«DW» ገልፀዋል።

ከባለፈዉ ቅዳሜ ጀምሮ በኦሮሚያ ክልል በምይራብ ወለጋ ዞን በቤግ ከተማና በቀለም ወላጋ ዞን በግዳም ከተማ መካከል በጋራ አካይና ላጋ ሃዳ ጃርሳ በሚባል ቦታ ላይ የኦነግ ስራዊት ናቸዉ በተባሉትና የአገሪቱ መከላክያ ሰራዊት መክከል ግጭት እንደነበረ አቶ ምትኩ ገልፀዋል። ግጭቱ በንፁሃን ዜጎች ላይ እያደረሰ ያለዉን በማስመልከትም ተከታዩን ብለዋል፣ «ከዛም አልፎ በማህበረሰቡ ላይ ጉዳት አደርሰዋል። ቤቶች ተቃጥለዋል፣ ሱቆች ተሰባብረዋል። ነዋሪዎቹም ነፍሳቸዉን ለማዳን ቀየያቸዉን ጥለዉ እየተሰደዱ ይገኛሉ። በቅርብ የወለዱ እናቶች ህፃናትና የቤቴሴብ አባላት ወደ ጫካ እየሸሹ ይገኛሉ። ማኅበረሰቡ ከፍተኛ ስጋት ዉስጥ ነዉ።»

የተጎዱ ሰዎች አሉን በሚል ለቀረበላቸዉ ጥያቄም አቶ ምትኩ እስካሁን ወደ ቦታ በመሄድ እንዳላጣሩ ተናግረዉ ግን ሦስት የመከላክያ ሰራዊት ህይወት ማለፉን ጠቁመዋል። መተጨማሪም በጊዳም ወረደ በቀለም ከተማ ዉስጥ አንድ የአይምሮ ህመመተኛ በመከላክያ ሰራዊት በጥይት ተመቶ መሞቱን መስማታቸዉ የወረዳዉ ፀጥታ ሃላፊ አቶ ምትኩ አክለዋል። ችግሩ እተከሰተ ያለዉ የኦነግ ሰራዊት ናቸዉ የተባሉ ሳይሆኑ የአጋር መከላከያ ሰራዊት ናቸዉም ብለዋል። አቶ ምትኩ- «አሁን ትልቅ ችግር እያደረሰ ያለዉ የኦነግ ሰራዊት ሳይሆን የመንግስት ሰራዊቶች ናቸዉ። በግጭቱ ተሳትፈዋል የተባለዉን የኦነግ ሰራዊት መሆኑን በቀጥታ የምናዉቀዉ አይደለም። ከሚወራዉ ወሬ ዉጭ ሄደን አላጣራንም፣ አላየንም። »

ግጭቱን አስመልክቶም የክልሉ ፕሬስዳንት አቶ ለማ መገርሳ በትላንትናዉ እለት ባደረጉት ንግግራቸዉ ሁኔታዉ በጣም እንዳሳዘናቸዉ ገልፀዋል። በማስከተልም፣
«ወጣቶች ሦስት፣ አራት፣ አስር የጦር መሳርያ በመታጠቅ ወደ ጫካ ሲሮጡ፣ እዉነት ለመናገር፣ ሊድኑ አይችሉም። ዘመናዊ መሳርያ ከታጠቀዉ ከመንግስት ሰራዊት ጋር ለመወጋት እንዴት ወደ ጫካ እንዲህ አይነት ሰዎች ይሄዳሉ? ይህ ስህተት ነዉ። እዉነቱን ለመናገር፣ ይህ ትግልም ከሆነ፣ ትክክለኛ የትግል ስልትም አይደለም።» ነበር ያሉት።

«ከቤንሻንጉል ጉሙዝና ከኦሮሚያ አዋሳኝ ድንበሮች የተፈናቀሉ የኦሮሞ ተወላጆች መብት ይከበር፤ በድንበር አከባብ ለሚፈፀሙ ግጭቶች ከጎናችን የቆመዉ የኦነግ ወታደር ነዉ» የሚል መፈክር የያዙ ወጣቶች ላለፉት ሁለትና ሦስት ቀናት በአከባቢዉ ተቃውሞ ሲያካሂዱ እንደነበረ አቶ ምትኩ ገልፀዋል። ሰላማዊ ሰልፉም በሰላም መጠናቀቁን ተናግረዋል።

በሰላማዊ ሰልፉ ላይ የተሳተፈ አንድ የቤጊ ነዋሪ በበኩሉ የመከላክያ ሰራዊት አባላት የኦነግ ሰራዊት ያሉበትን ጦቁሙ በየቤቱ እየሄዱ ሰዉን «ኢያሸበሩ» ነዉ ብሎአል። በቤጊ ከተማ ዉስጥ የስምንት ሰዉ ህይወት እንዳለፈና ከ80 በላይ ሰዎች መታሰራቸዉን ስሙ እንዳይጠቀስ የጠየቀዉ የዓይን እማን ለ«DW» ተናግረዋል። ግጭቱም በቀለም፣ በጋራ አካይ፣ ላጋ ሃዳ ጃርሳ፣ በሆሮና በዋባራ መቀጠሉን ነዋሪዉ አክሎ ገልጾአል።

በምዕራብ ወለጋ ዞንና በቀለም ወላጋ ዞን ዉስጥ ያለዉን የፀጥታ አለመረጋጋት ጉዳይ ላይ ከፌዴራል ባለስልጣናት፣ ከኦሮሚያ ክልል ባለስልጣናትና ከኦነግ አመራሮች የበለጠ መረጃ ለማግኘት ያደረግነዉ ሙከራ አልተሳካም።

Share.

About Author

Leave A Reply