fbpx

የኢትዮ- ኤርትራን እርቅ ተከትሎ ወደኢትዮጵያ የሚጎርፉ ኤርትራውያን ስደተኞች ቁጥር በአራት እጥፍ ጨመረ

Google+ Pinterest LinkedIn Tumblr +

የኤርትራ ውስጣዊ ነባራዊ ሁኔታ ባለመለወጡ እና አገሪቱ ከኢትዮጵያ የሚያዋስናት ድንበር በመከፈቱ ወደ ኢትዮጵያ የሚሰደዱ ኤርትራዉያን ቁጥር መጨመሩን የአውሮፓ ሕብረት አስታወቀ ሲል የጀርመን ድምጽ ዘገበ።

የሕብረቱ ኮሚሽን እንደሚለዉ ሁለቱ ሐራት የአዋሳኝ ድንበሮቻቸዉን ከከፈቱ ወዲህ ወደ ኢትዮጵያ የሚገቡ ኤርትራውያን ቁጥር በፊት ከነበረዉ በአራት እጥፍ ጨምሯል።

የአዉሮጳ ሕብረት ኮሚሽን ድረ-ገፅ የጠቀሰዉ የትግራዩ የሽሬ ዞን-አስተዳደር እንዳስታወቀዉ በቅርቡ 15 ሺሕ ኤርትራውያን ወደ ኢትዮጵያ ገብተዋል።

ከነዚሕ መሐል ዘመድ ወዳጅ ለመጠየቅ እና ሸቀጦች ለመግዛት ድንበር የተሻገሩ መኖራቸውን መረጃው ጠቅሶ፤ አብዛኞቹ ግን እዚያው ኢትዮጵያ የሚቆዩ ናቸው ብሏል።

ኮሚሽኑ ከትናትና በስቲያ ይፋ ባደረገው መረጃ መሠረት በኢትዮጵያ የሚገኙ ኤርትራውያን ቁጥር 175 ሺሕ ደርሷል። እንደ ኮሚሽኑ ገለፃ አብዛኞቹ ብቻቸዉን የተሰደዱ ታዳጊዎች ናቸው።

ሽሬ የሚገኙት ኤርትራዉያን የስደተኝነት ከለላ እናጣለን፤ የኤርትራ መንግሥትም የበቀል እርምጃ ዒላማ እንሆናለን የሚል ሥጋት እንዳላቸው ኮሚሽኑ አስታውቋል።

የኢትዮጵያ እና የኤርትራ መሪዎች ዕርቅ ማውረዳቸውን ያስታወቁት ባለፈው ሐምሌ ወር ቢሆንም ሁለቱን አገሮች የሚያገናኙ መንገዶች ለአገልግሎት የተከፈቱት ባለፈዉ መስከረም አንድ ነበር።

Share.

About Author

Leave A Reply

ፈጣን ዜናዎችን በቴሌግራም ቻናላችን ያግኙ

Kaliti Press - The Fastest

JOIN OUR TELEGRAM CHANNEL CLOSE