fbpx

የኤርትራ ፕሬዚደንት የሰጡት ቃለ መጠይቅ

Google+ Pinterest LinkedIn Tumblr +

ከቅርብ ጊዜ ወዲህ በኢትዮጵያና ኤርትራ መካከል እየተሻሻለ የመጣው ግንኙነት ለሁለቱ ሀገራት ህዝቦች መልካም አጋጣሚ ይዞ የመጣ መሆኑ የኤርትራው ፕሬዚደንት ኢሳይያስ አፈወርቂ ተናገሩ።፡ ፕሬዚዳንቱ ከሀገራቸው ቴሌቪዥን ጋዜጠኞች ጋር ባደረጉት ቆይታ በርከት ያሉ ዓለምአቀፋዊ፣ አካባቢያዊና ሀገራዊ ጉዳዮችን አንስተው ማብራርያ ሰጥተዋል።

የአልጀርስ የድንበር ውሳኔ ተቀባይነት ሳያገኝ ቆይቶ የነበረው በውጭ ኃይሎች ጫና እንደነበር የገለፁት ፕሬዝዳንት ኢስይያስ አፈወርቂ በኢትዮጵያ አሁን በተፈጠረው ለውጥ፣ በኤርትራ ህዝብ ትግልና ፅናት ወደ አዲስ ምዕራፍ ተሸጋግረናል ብለዋል። “የባድመ ችግር ፈጠራ ነው። በሁሉም ሁኔታ ቢታይ ምንም ዓይነት የድንበር ችግር አልነበረም። የድንበር ችግር ቢኖርም በተለያየ መንገድ
መፍታት ይቻል ነበር” ያሉት ፕሬዝዳንት ኢሳይያስ “ውሳኔው ተቀባይነት ሳያገኝ የቀረው በወያነ ስርዓት ሳይሆን፡ በዚያን ጊዜ በነበሩ የዋሽንግተን አስተዳደሮች እንጂ” ሲሉ ተናግረዋል። ከጊዜ ወደ ጊዜ የኢትዮጵያና ኤርትራ ግንኙነት እየተጠናከረ መምጣቱን የገለፁት ፕሬዚዳንቱ ግንኙነቱ አሁን በተሻለና ተስፋ በሚሰጥ ደረጃ ላይ እንደሚገኝ ጠቁመዋል።፡ በኤርትራ ፕሬዚዳንት ቃለ መጠይቅ በርከት ያሉ አስታያየቶች እየተሰጡበት ነው።

ሊክኩን ተጭነው የዶቸቨለን ዘገባ ያድምጡ

ጌታቸው ተድላ ኃይለጊዮርጊስ
ተስፋለም ወልደየስ

Share.

About Author

Leave A Reply