የኮ/ል ደመቀ ዘውዱ ቤት በሽያጭ ለሕዝብ ሊተላለፍ ነው። አክቲቪስት ታማኝ በየነ 340 ሺህ ብር ወጪ አድርጓል።

Google+ Pinterest LinkedIn Tumblr +

 

ኮ/ል ደመቀ ዘውዱ ተከራይቶ ይኖርበት የነበረውና ሐምሌ 5/2008 ዓም ጥቃት የደረሰበት ቤት ለሕዝብ ሙዝዬም እንዲሆን ሲሰራ ቆይቷል። ንግስት ይርጋና አታላይ ዛፌ ቤቱን ለመግዛት ሲያስተባብሩ ቆይተዋል። በትናንትናው ዕለትም ከቤቱ ባለቤት አብርሃም ገበየሁ ጋር ውል በመፈፀም ለሕዝብ እንዲተላለፍ ተደርጓል።

 

ጥቃቱ በደረሰ ወቅት ሲሳይ ታከለ፣ ሰጠኝ ባብል የሚባሉ ሰዎች ጥቃቱን ሲከላከሉ የተገደሉ ሲሆን ንብረታቸው (ባለሀብቶች ነበሩ) በእዳ ተይዟል።

ይህን እዳ ለመክፈልም መረዳጃ ማህበር ተቋቁሟል።

 

የኮለኔሉ መኖሪያ ቤት 1 ነጥብ 8 ሚሊዮን ብር ዋጋ የወጣለት ሲሆን በትናንትናው ዕለት ለባለቤቱ 350,000 ብር ተከፍሏል። ቀሪው እስከ ነሃሴ 5 እንደሚከፈል ውሉ ላይ ተመልክቷል። እስካሁን ቤቱን ለመግዛት በተደረገው ጥረት:_

1) አርቲስትና አክቲቪስት ታማኝ በየነ 340,000 ብር

2) ጌጡ አይንግዳ ከእስራኤል 34250 ብር

3)ሶስና ድልነሳው (ወረቄ ታፈረ)13000 ብር

4)ተመሰገን ሰጣርገው (ጃንተከል ሆቴል)

10000 ብር ድጋፍ ማድረጋቸውን አስተባባሪዎቹ ገልፀዋል።

አስተባባሪዎቹ አክለውም በንግስት ይርጋና በአታላይ ዛፌ ስም ኢትዮጵያ ንግድ ባንክ

ምንትዋብ ቅርንጫፍ

የባ ደቁ 1000250255717 ማገዝ ይቻላል ብለዋል።

በተመሳሳይ በትግሉ ወቅት መስዋዕት የሆኑትን ቤተሰቦች ለማገዝ የተቋቋመ መረዳጃ ማህበር ያለ ሲሆን የተለያዩ የገንዘብ ማሰባሰቢያ ፕሮግራሞችን በማድረግ በእዳ የተያዘውን የእነ ሲሳይ ታከለንና የሎቹንም ንብረት ለማስመለስ እየሰራ እንደሆነ ተገልፆአል። ማህበሩ ሂደቶችን ሲጨርስ የሚታገዝበትን መንገድ ለሕዝብ ያሳውቃል ተብሏል። በእዳ የተያዙትን ንብረቶች ለማስለቀቅና ቤተሰቦቻቸውን ለማገዝ በርካታ ገንዘብ ስለሚጠይቅ የሕዝብ ድጋፍ እንደሚያስፈልጋቸውም ገልፀዋል።

የአማራ ክልላዊ መንግስት ተጎጅዎችን በማገዝና ቤቱን ሙዝዬም እንዲሆን የሚደረገውን ጥረት አግዛለሁ ማለቱ ተሰምቷል።

 

Share.

About Author

Leave A Reply

ፈጣን ዜናዎችን በቴሌግራም ቻናላችን ያግኙ

Kaliti Press - The Fastest

JOIN OUR TELEGRAM CHANNEL CLOSE