fbpx

ጠ/ሚ ዶክተር አብይ ታዳጊ መሃመድ አብዱልዓዚዝን እና አበጠር ወርቁን ጎበኙ

Google+ Pinterest LinkedIn Tumblr +

የኢፌዴሪ ጠቅላይ ሚኒስትር ዶክተር አብይ አህመድ ለረጅም አመታት የአልጋ ቁራኛ የሆነውን ታዳጊ መሃመድ አብዱልዓዚዝን እና ጥቃት የተፈጸመበትን ታዳጊ አበጠር ወርቁን ጎበኙ።

ጠቅላይ ሚኒስትሩ በግብጽ የነበራቸውን ቆይታ አጠናቀው ከተመለሱ በኋላ በቅዱስ ጳውሎስ ሆስፒታል በመገኘት ሁለቱን ታዳጊዎች ዛሬ ማምሻውን ጎብኝተዋቸዋል።

በጉብኝታቸው ወቅትም መንግስት ለታዳጊዎቹ አስፈላጊውን ድጋፍና ክትትል እንደሚያደርግ ተናግረዋል።

ጠቅላይ ሚኒስትሩ የታዳጊዎቹን ወላጆች ስጋት አይግባችሁ በማለት መንግስት አስፈላጊውን ድጋፍ እንደሚያደርግላቸው ነግረዋቸዋል።

የታዳጊዎቹ ወላጆችም ጠቅላይ ሚኒስትሩ ለጉዳዩ ለሰጡት ትኩረትና ለተደረገላቸው ድጋፍና ክትትል ምስጋናቸውን አቅርበዋል።

የቅዱስ ጳውሎስ የህክምና ባለሙያዎችም ጠቅላይ ሚኒስትሩ ለታዳጊዎቹ ላሳዩት ፍቅርና ላደረጉት ድጋፍ አመስግነዋቸዋል።

ታዳጊ መሃመድ አብዱልዓዚዝ በሳዑዲ ዓረቢያ በተፈጠረ የህክምና ስህተት ሳቢያ ለረጅም አመታት የአልጋ ቁራኛ መሆኑ ይታወሳል።

ጠቅላይ ሚኒስትር ዶክተር አብይ አህመድ በሳዑዲ በነበራቸው ጉብኝት ለተፈጠረው ስህተት የሳዑዲ መንግስት ካሳ እንዲከፍል በማድረግ ታዳጊው ህክምናውን በሃገር ውስጥ እንዲከታተል ማድረጋቸው የሚታወስ ነው።

ሌላኛው ታዳጊ አበጠር ወርቁ ደግሞ ባልታወቁ ግለሰቦች አማካኝነት ጥቃት ተፈጽሞበት፥ ህክምናውን በቅዱስ ጳውሎስ ሆስፒታል እየተከታተለ ይገኛል።

ጠቅላይ ሚኒስትር ዶክተር አብይ አህመድም መንግስት ለሁለቱም ታዳጊዎች አስፈላጊውን ህክምና እንደሚያደርግ ቃል ገብተዋል።

 

Share.

About Author

Leave A Reply

ፈጣን ዜናዎችን በቴሌግራም ቻናላችን ያግኙ

Kaliti Press - The Fastest

JOIN OUR TELEGRAM CHANNEL CLOSE