120 የተለያዩ ሞዴል የሆኑና የተሽከርካሪ ባለቤቶች ማረጋገጫ ደብተር ሊብሬ የሌላቸው አውቶብሶች በአንበሳ የከተማ አውቶብስ ድርጅት ውስጥ መገኘታቸው ተሰማ

Google+ Pinterest LinkedIn Tumblr +

20 የተለያዩ ሞዴል የሆኑና የተሽከርካሪ ባለቤቶች ማረጋገጫ ደብተር ሊብሬ የሌላቸው አውቶብሶች በአንበሳ የከተማ አውቶብስ ድርጅት ውስጥ መገኘታቸው ተሰማ፡፡ ወሬው የተሰማው ከአዲስ አበባ ዋና ኦዲተር ነው፡፡ የዋና ኦዲተር የ2010 የግማሽ አመት ሪፖርት ላይ እንደተባለው ድርጅቱ ለነዚህ 120 አውቶብሶች የባለቤትነት ማረጋገጫ ሊብሬ ማቅረብ አልቻለም፡፡

 

ዋና ኦዲተር ባደረገው የኦዲት ማጣራት ስራው ከ29 ሚሊዮን ብር በላይ የሚገመቱ የተሽከርካሪ መለዋወጫዎች ከ15 አመት በላይ አገልግሎት ላይ ሳይውሉ፣ ተበላሽተው ሳይወገዱ ተገኝተዋል፡፡ድርጅቱ ለ21 ዳፍ አውቶብሶች ከግብፅ ከ14.2 ሚሊዮን ብር መለዋወጫ ተገዝቷል ተብሎ ቢገጠምላቸውም ሞተሩ ግን ከ6 ወር በላይ ሳይሰራ የተባላሸ መሆኑም ተደርሶበታል፡፡

የካቲት 24 ቀን 2009 በአንበሳ ድርጅት የመካኒሳ ዴፖ በሚገኘው የጥገና ጋራዥ ላይ በደረሰ የእሳት ቃጠሎ ለወደሙ አውቶብሶች ዋስትና ባለመግባቱ ከ8 ነጥብ 7 ሚሊዮን ብር በላይ ኪሳራ ደርሶበታል ተብሏል፡፡ከዚህም በተጨማሪ ዋጋቸው በትክክል የማይታወቅ ብዛት ያላቸው የተሽከርካሪ መለዋወጫ እቃዎች ክፍት በሆኑ ኮንቴይነሮች እና በሜዳ ላይ ለጥበቃ በማይመች ሁኔታ በየካ ዴፖ ተቀምጦ መገታቸውንም ሰምተናል፡፡

ዮሐንስ የኋላወርቅ

 

(ምንጭ፤ ሸገር)

Share.

About Author

Leave A Reply