fbpx

33ኛው የኢጋድ የመሪዎች ስብስባ ነገ በአዲስ አበባ ይካሄዳል

Google+ Pinterest LinkedIn Tumblr +

33ኛው የምስራቅ አፍሪካ የልማት በይነ መንግስታት (ኢጋድ) የመሪዎች ስብስባ ነገ በአዲስ አበባ ይካሄዳል።

የወቅቱ የኢጋድ ሊቀመንበር ጠቅላይ ሚኒስትር ዶክተር አብይ አህመድ የሚመሩት ይህ ስብስባ በዋናነት በሶስት ጉዳዮች ላይ ያተኮረ ነው።

የደቡብ ሱዳን የሰላም ሁኔታ፣ የኤርትራ ዳግም የመመለስ ጉዳይ፣ የኤርትራን እና ጅቡቲ አዲሱ የግንኙነት ጅማሮ አካሄድን የተመለከቱ ናቸው።

በተለይ በካርቱም ሲካሄድ የቆየው የደቡብ ሱዳን የሰላም ስምምነት የመጨረሻው ፊርማ በጁባ ተፋላሚዎች በኩል ይደረጋል ተብሎ ይጠበቃል።

በተያያዘ ዜና ኤርትራም ነገ በሚካሄደው የምስራቅ አፍሪካ የልማት በይነ መንግስታት (ኢጋድ) የመሪዎች ስብሰባ ዳግም በአባልነት ትቅላቀላለች ተብሎ ይጠበቃል።

በአውሮፓዊያኑ 2007 ከኢጋድ ራሷን ያገለለቸው ኤርትራ እንደገና በ2011 ቡድኑን ተቀላቅላ ለሁለተኛ ጊዜ ከአባልነት ወጥታ የነበረ መሆኑ ይታወሳል።

የኤርትራ ከኢትዮጵያ ግንኙነት ፈጥራ የተጠናከረ ስራ እያከናወነች ሲሆን፥ የሀገሪቱ ዳግም ወደ ኢጋድ መምጣት እና ከጅቡቲ ጋር ያላትን ልዩነት በውይይት መፍታት መቻሏ ለቀጣናው ሰላም እና መረጋጋት ከፍተኛ ሚና እንዳለው ተነግሯል FBC

Loading...
Share.

About Author

Leave A Reply