ኢትዮጵያ የኒውክሌር ቴክኖሎጂን በህክምና፣ በግብርናና በኢንደስትሪ ዘርፍ ለመጠቀም የሚያስችላትን ስምምነት ከሩስያ ጋር ተፈራረመች

Google+ Pinterest LinkedIn Tumblr +

በሩስያ በተካሄደው 11ኛው “አቶምኤክስፖ” ላይ የኢኖቬሽንና ቴክኖሎጂ ሚኒስትር ጌታሁን መኩሪያ (ዶ/ር ኢንጂ) እና የሩስያ ስቴት አቶሚክ ኢነርጂ ኮርፖሬሽን ዳይሬክተር ጀነራል አሌክሲ ሌካቼቭ የኒውክሌር ቴክኖሎጂን ጥቅም ላይ ለማዋል የሚያስችል የትግበራ ስምምነት ተፈራርመዋል።

የትግበራ ፍኖተ ካርታ ስምምነቱ የኒውክሌር ቴክኖሎጂን በግብርና፤ የህክምናውን ዘረፍ ለማዘመን፤ ለማምረቻው ዘርፍ ግብዓት እና ለመሳሰሉት ጥቅም ላይ ለማዋል የሚያስችል ነው፡፡

በተለይ በአለም እያደገ የመጣውን የህምና ዘርፍ በኢትዮጵያ ለማዘመንና የቀዶ ጥገና ህክምናን የተቀላጠፈ ለማድረግ የኒውክሌር ቴክኖሎጂን ጥቅም ላይ ለማዋል እንደሚሰራ ሚኒስትሩ ጌታሁን መከሪያ (ዶ/ር ኢንጂ) ተናግረዋል፡፡

ትላልቅ ኢንደስትሪዎችን ለመገንባት በዝናብ ላይ ጥገኛ ከሆነ የሃይል ማመንጫ ኢትዮጵያ መላቀቅ አለባት ያሉት ሚኒስትሩ ፊታችንን ወደ ድብልቅ ኢነርጂ እናዞራለን ማለታቸውን ከኢኖቬሽንና ቴክኖሎጂ ሚኒስቴር ያገኘነው መረጃ ያመለክታል።

Share.

About Author

Leave A Reply