ኦነግ የቀድሞ ዋና ፅህፈት ቤቱን ዳግም ተረከበ

Google+ Pinterest LinkedIn Tumblr +
የኦሮሞ ነፃነት ግንባር (ኦነግ) የቀድሞ ዋና ፅህፈት ቤቱን ዳግም በዛሬው ዕለት ተረከበ።
የግንባሩ ቃል አቀባይ አቶ ቶሌራ አደባ ዛሬ በሰጡት መግለጫ፥ኦነግ ዛሬ የተረከበው ፅህፈት ቤት እሰከ 1985 ዓ.ም ሲጠቀምበት የነበረ መሆኑን ተናግረዋል።
ግንባሩ በተለያዩ ምክንያቶች ከሽግግር መንግስቱ ራሱን ካገለለበት ጊዜ ጀምሮ ፅህፈት ቤቱ፥ ከኦነግ ተቀምቶ ለተለያዩ የመንግስት ግልጋሎቶች ሲውል እንደነበር ቃል አቀባዩ ገልፀዋል።
ግንባሩ ዛሬ የፅህፈት ቤቱን ህንፃ የተረከበው ከወራት በፊት በውጪ ጉዳይ ሚኒስትሩ ዶክተር ወርቅነህ ገበየሁ እና በኦሮሚያ ክልል ርእሰ መስተዳድር አቶ ለማ መገረሳ የተመራ ልኡክ በአሰመራ ከኦነግ አመራሮች ጋር ባደረገው ውይይት፥
ለግንባሩ እንዲመለስ በተስማሙት መሰረት መሆኑን አቶ ቶሌራ አስታውቀዋል።
የፌዴራል መንግስት እና የኦሮምያ ክልል መንግስት ቃላቸውን ጠብቀው ፅህፈት ቤቱ ለግንባሩ እንዲረከብ ላደረጉት አስተዋፅኦም ኦነግ ምስጋና አቀርቧል።
የኦነግ ፅህፈት ቤት በጉለሌ ክፍለ ከተማ እንቁላል ፋብሪካ አካባቢ በተልመዶ ጉለሌ ተብሎ በሚጠራው ስፊ ግቢ ወስጥ የሚገኝ ነው ተብሏል።

Share.

About Author

Leave A Reply