ከተጠረጠሩ 190 የልዩ ኃይል ፖሊስ አባላት መካከል፣ ከ170 በላይ የሚሆኑት በፈቃደኝነት እጃቸውን ሰጥተዋል፡፡

Google+ Pinterest LinkedIn Tumblr +

የአማራ ክልል ፖሊስ ኮሚሽነር አቶ አበረ አዳሙ ለአማራ ክልል መገናኛ ብዙኃን ድርጅት እንደገለጹት፣ የልዩ ኃይሉ ዋና አዛዥ ጨምሮ ሌሎች በስም ያልተገለጹ ከፍተኛ የክልሉ አመራሮች ታስረው በክልሉ ፖሊስ ኮሚሽን ምርመራ እየተደረገባቸው ነው፡፡

አመራሮቹ በክልሉ ፕሬዚዳንት አምባቸው መኮንን (ዶ/ር) እና በሕዝብ አደረጃጀት አማካሪያቸው እዘዝ ዋሴ፣ እንዲሁም በክልሉ ዋና ዓቃቤ ሕግ አቶ ምግባሩ ከበደ ላይ ከተፈጸመው ግድያ ጋር ግንኙነት ይኑራቸው ወይም አይኑራቸው የሚለውን ለማጣራት መታሰራቸውን ኮሚሽነር አበረ አስታውቀዋል፡፡

ኮሚሽነሩ እንዳሉት በግድያና በተቀነባበረው ሴራ በመሳተፍ ከተጠረጠሩ 190 የልዩ ኃይል ፖሊስ አባላት መካከል፣ ከ170 በላይ የሚሆኑት በፈቃደኝነት እጃቸውን ሰጥተዋል፡፡

ኮሚሽነሩ በሰጡት ማሳሰቢያ በቅርቡ የተመለመሉ የክልሉ ልዩ ኃይል አባላትም ሆኑ ነባሮቹ፣ ዋና ኃላፊነታቸው የክልሉን ሰላምና ደኅንነት ማስጠበቅ እንደሆነና ከግለሰቦች አምላኪነት መውጣት አለባቸው ብለዋል፡፡

የአማራ ክልል ሕዝብም የልዩ ኃይሉ የፖሊስ አባላትን በእኩል ዓይን እንዲመለከት አሳስበዋል፡፡

ቅዳሜ ሰኔ 15 ቀን 2011 ዓ.ም. አመሻሽ ላይ በባህር ዳር ከተማ በርዕሰ መስተዳድሩ ቢሮ ላይ በተሰነዘረ ጥቃት አምባቸው መኮንን (ዶ/ር) እና የአደረጃጀት አማካሪያቸው አቶ እዘዝ ዋሴ ሲገደሉ፣ የክልሉ ዓቃቤ ሕግ አቶ ምግባሩ ከበደ በደረሰባቸው ከፍተኛ ጉዳት ሕክምና ሲከታተሉ ቆይተው ሕይወታቸው ማለፉ ይታወሳል፡፡ የአማራ ክልል ልዩ ኃይል አዛዥ ብርጋዴር ጄኔራል ተፈራ ማሞን ጨምሮ አራት አመራሮችም ታስረዋል።

ሪፖርተር

Share.

About Author

Leave A Reply