የቀዳማዊ አጼ ኃይለስላሴ መታሰቢያ ሐውልት ተመረቀ

Google+ Pinterest LinkedIn Tumblr +

የቀዳማዊ አጼ ኃይለስላሴ መታሰቢያ ሐውልት በአፍሪካ ህብረት አዳራሽ ግቢ ውስጥ ተመረቀ።

በምረቃው ስነስርዓት ላይ የኢፌዴሪ ጠቅላይ ሚኒስትር ዶክትር አብይ አህመድ፣ የአፍሪካ ህብረት ኮሚሽን ሊቀመንበር ሙሳ ፋኪ ማህመትን ጨምሮ የቀዳማዊ ኃይለስላሴ ቤተሰቦች ተገኝተዋል።

በተጨማሪም የዓለም አቀፍ ተቋማት መሪዎች፣ የአፍሪካ ሀገራት መሪዎች እንዲሁም ታዋቂ ግለሰቦች ተገኝተዋል።

አጼ ኃይለስላሴ የመታሰቢያ ሐውልት የቆመላቸው ለአሁኑ የአፍረካ ህብረት ለቀድሞው አፍሪካ አንድነት ድርጅት ምስረታ ላበረከቱት ጉልህ አስተዋጽዖ መሆኑን ህብረቱ አስታውቋል አጼ ኃይለስላሴ ከ50 ዓመታት በፊት ካዛብላንካንና ሞኖሮቪያ በሚል ቡድን ለሁለት ተከፍላ የነበረችውን አህጉረ-አፍሪካ አንድ በማድረግ የአፍሪካ አንድነት ድርጅትን እንዲመሰረት አድርገዋል።

እንዲሁም የአፍሪካ አንድነት ድርጅትም በኢትዮጵያ አዲስ አበባ መቀመጫውን እንዲያደርግ ያላሰለሰ ጥረት በማድረግ ይታወቃሉ።

በወቅቱም ከውጭ ጉዳይ ሚኒስትራቸው ጋር በመሆንም ከ32 የአፍሪካ አንድነት መስራቾች መካከል የ28ቱን ድምጽ በማግኘት ሴኔጋል ዳካርን በማሸነፍ አዲስ አበባ መመረጧ ይታወሳል።

የቀዳማዊ አፄ ኃይለስላሴ ሐውልት በኢትዮጵያ መንግስት ወጭ በአዲስ አበባ ዩኒቨርሲቲ መዘጋጀቱ ተነግሯል።

በትናትናው ዕለትም ጠቅላይ ሚኒስትር ዶክተር አብይ አህመድ የአፍሪካ ህብረት የኢትዮጵያ መሪ ለነበሩት ቀደማዊ ኃይለስላሴ ሃውልት እንዲቆምና እንዲታወሱ በማድረጉ ከፍተኛ ምስጋና አቀርበዋል፡፡

በአብርሃም ፈቀደ

Share.

About Author

Leave A Reply