ጥቁር ህጻናት ተማሪዎችን ያገለለው የደቡብ አፍሪካው ትምህርት ቤት ፎቶ ቁጣ ቀሰቀሰ

Google+ Pinterest LinkedIn Tumblr +

በደቡብ አፍሪካ በሚገኝ አንድ የመጀመሪያ ደረጃ ትምህርት ቤት አንድ ክፍል ውስጥ ጥቁርና ነጭ ህፃናት ተማሪዎችን በተለያዩ ወንበሮች ተቀምጠው የሚያሳየው ምስል ቁጣን ቀሰቀሰ፡፡

የትምህርት መጀመሪያ ቀንን አስመልክቶ በክፍሉ መምህር በዋትስአፕ ላይ የተጫነው ምስል በበርካቶች ዘንድ መነጋገሪያ መሆኑ ተነግሯል፡፡ ምስሉ 18 ነጭ ህፃናት ተማሪዎች እንድ ላይ ተቀምጠው የሚያሳይ ሲሆን በክፍሉ ውስጥ ያሉት ጥቁር ህፃናት ተማሪዎች ደግሞ መጨረሻ ላይ ተቀምጠው ያሳያል፡፡

የማህበራዊ ገፅ ተጠቃሚችም ምስሉ በደቡብ አፍሪካ የነበረውን አፓርታይድ ስርዓት እና ዘረኝነት እንዳስታወሳቸው እየገለፁ ይገኛል፡፡ በዚህ ፎቶ አንጋፋውን የደቡብ አፍሪካ ድምፃዊ ዮቮኔ ቻካ ቻካ ጨምሮ ሌሎች ታዋቂ ግለሰቦች በትዊተር ገፆቻቸው በምስሉ እንደተበሳጩ አስፍረዋል፡፡

በማህበራዊ መገናኛ ገፆች የቀረበውን ወቀሳና ትችት ተከትሎ ትምህርት ቤቱ ጥቁርና ነጭ ህፃናት በአንድ ላይ ሆነው ሲማሩ የሚያሳይ ፎቶ መጫኑ ተነግሯል፡፡

ምንጭ፡-nairobinews

Share.

About Author

Leave A Reply